بۆچی پارتی و یەکێتی بێدەنگیان هەڵبژارد؟
بۆچی پارتی و یەکێتی بێدەنگیان هەڵبژارد؟
یەکێک لەوپرسە گەرمانەی کەئەمڕۆ شانۆی سیاسی عێڕاقی داگیرکردوە، پرسی هەڵوەشانەوەی پەڕلەمان و هەڵبژاردنی پێشوەختەیە لەعێڕاق، لاموایە لەسەر ئەم دوو پرسە هەموو هێزە کاریگەرەکان قسەی خۆیانکرد: (سەدر و عەلاوی و عەبادی و مالکی و عامڕی) لەتەیاری شیعە، لەتەیاری سوننەش هەریەک لەخەمیس خەنجەر و حەلبوسی قسەیانکرد، تەنیا دوو هێز کەلەم ناوەدا ونبوون و هیچ قسەیەکیان نەکردوە بۆ گوتن پارتی و یەکێتین.
مەرج نییە هەموو بێدەنگیەک مانای ڕازی بوون بگەیەنێ، نەخێر لەدونیای سیاسەتدا هاوکێشەکە تەواو پێچەوانەیە، لەسیاسەتدا واباوە کەبێدەنگبوون بەمانای نارازیبوون بێ، کەواتە پارتی و یەکێتی ئەمڕۆ ئەم دوو هێزەن نارازین و چارەی هەڵبژاردنیانناوێ، چونکە هەردوو هێز چەند مانگێکە لەبەغدا خۆیان بۆ کێکی دەسەڵات ئامادە دەکەن و دەیانەوێ بەتەنیا پۆستی سەرۆک کۆمارو ژمارەیەک وەزارەت بۆخۆیان بەرن، کەواتە ئەوان نایانەوێ ڕیسەکەیان لێبێتەوە بەنیوە خوری و لەم تەوقیتەدا بێنەوە کوردستان و بچنەوە کێبەرکێی هەڵبژاردن و جارێکی تر بەکورسی کەمترەوە بگەرێنەوە بۆ بەغدا شیرینەکە.
شوانە حەسەن ئەبوبەکر