پیشکەش بە جەماوەری راپەریوی کوردستان شیعری: خالید بایەزیدی (دلیر)

پیشکەش بە جەماوەری راپەریوی

کوردستان

شیعری: خالید بایەزیدی (دلیر)

 

١–

من چە ندە بەختەوەرم

بەختەوەرتر!

لە هەموو دیکتاتورەکانی جیهان

…چونکە من

لە کازیوەی بەری بەیانی بەهار

تەنها بۆن بەگوڵەوە دەکەم

بەلام دیکتاتورەکان

تەنیا وتەنیا

بۆن بەکەرەسەی تەقینەوە دەکەن؟

 

٢-

ئیمە لە بزمارەکانەوە

فیربووین

چۆن خوراگربین

هەرچە ندە  لەسەریان داین

خوراگرتر بووین

 

٣-

ژن یانی ئاوینە

ئاوینە یانی ژن

هەربویەش ناحەزان

هیچ کات توانای دیتنی

ئاوینەیان نییە

 

٤-

تەرازوی عەدالەت

ئەگەرهەمیشە خوار نەبووایە

خوشەویستیش هیچ کات

بەردە باران نەدەکرا

٥-

 

( روژ ژمیر)

شەممە………..ئیعدام……….یەک نەفەر

یەک شەممە….ئیعدام………دونەفەر

دوشەممە….ئیعدام…..سی نەفەر

سێ شەممە…ئیعدام….چوارنەفەر

چوارشەممە…ئیعدام…پینج نەفەر

پینج شەممە…..هەموو دارەکانی ئیعدام ئامادەکراو

هەینی……هەموو گوڵەکانی وەنەشە و بەیبوون لە سیدارە دراوە

 

٦-

کورسییەک

سەری خۆی هەڵگرت

چونکە دیکتاتورێک

…دەیەویست

لەسەری دانیشیت؟

 

٧-

سەرکردەی وڵاتی ئیمە

لەسەرکردەی هیچ وڵاتێک ناچێ

لەسەر کورسی کە دانیشت

هەتا دەمرێ هەستانی نییە؟